حلت الفنانة شيرين، الساعات الماضية، ضيفة مع الإعلامي عمرو الليثي ببرنامج “واحد من الناس” المذاع عبر قناة الحياة، والذي كشفت فيه عن أسرار حياتها الشخصية.
وخلال اللقاء قالت شيرين: “الفنان صلاح السعدني ربنا يشفيه ويعافيه هو من يعاني من ألزهايمر”.
كما كشفت عن الحالة الصحية للفنان عادل إمام قائلة: “عادل إمام في صحة جيدة، وليس مريضًا بمرض ألزهايمر كما أشيع وتردد، وأتواصل معه تليفونيًّا بشكل مستمر وهو حريص على الحديث معي”.
وتابعت: “يا ريت الناس تبطل شائعات ويموتونا ولو متضايقين مننا جمعونا كلنا في ميدان وموتونا وخلاص لكن حرام عليكم تتعبوا أعصابنا وتفولوا علينا”.
كما كشفت شيرين عن سبب اعتزال ميريت ابنتها التمثيل، قائلة: “هي لقت إن التمثيل مش المجال اللي ممكن تستمر فيه، ولما تناقشنا قالت مش عايزة أبقى زيك وزعلتني، وقالت للأسف الوسط الفني لما البني آدم يكبر بيعاملوه زي خيل الحكومة”.
وتابعت: “قالتلي أنا عايزة أعيش حياتي وإنت مش عايشة حياتك خالص، ولما تنزلي مش بتعرفي تشتري حاجة والناس عايزة تتصور معاكي”.
